مسلکِ اہلسنت ' دیوبندی مکتبہ فکر ' اور اہلحدیث مکتبہ فکر کی
مسلمہ شخصیت شاہ ولی اللہ محدث دہلوی علیہ الرحمہ کی
کتابوں سے نذرونیاز کا ثبوت ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
(1) اقوال امام الطائفہ کے بزرگان و عمائد اور اساتذہ و مشائخ کے نقل کرتے ہیں تاکہ ان بے باکوں
کو پتہ چلے کہ شریعت سے ممانعت کے بغیر فاتحہ کو حرام بتانے پر زبان کھولنا اور فاتحہ کے
کھانے ۔ اور بزرگوں کی نیازکی شیرینی کو حرام کہنا کیسی سخت سزائیں چکھاتا ہے اور کیسے
برے دن دکھاتا ہے ۔
(انفاس العارفین(اردو)حضور علیہ السلام کی نیاز کی اشیاء کی مقبولیت ۔ ص 106 ۔ مطبوعہ
المعارف گنج بخش روڈ لاہور)
(2) الدرالثمین فی مبشرات النبی الامین میں شاہ ولی اللہ علیہ الرحمہ اپنے والد شاہ عبد الرحیم
علیہ الرحمہ کی بات کو نقل کرتے ہیں ۔
مجھے سیدی والد ماجد نے بتایا کہ حضور علیہ السلام کی نیازکیلیئے کچھ کھانا تیار کراتا تھا ۔ ایک
سال کچھ کشائش نہ ہوئی کہ کھانا پکواؤں صرف بھنے ہوئے چنے میسر آئے وہی میں نے لوگوں
میں تقسیم کیئے پھر میں نے نبی کریم صلی اللہ علیہ وسلم کو خواب میں دیکھا تو آپ علیہ
السلام کے سامنے وہ چنے موجود تھے اورحضور صلی اللہ علیہ وسلم مسرور اور شادمان تھے ۔
(الدارالثمین فی مبشرات النبی الامین ۔ صفحہ 40 ۔ کتب خانہ علویہ رضویہ فیصل آباد)
(3)۔ شاہ ولی اللہ محدث دہلوی علیہ الرحمہ اپنی کتاب "زبدت النصائح" میں مندرج فتویٰ میں
لکھتے
ہیں ۔ اگر کسی بزرگ کی فاتحہ کیلیئے ان کی روح مبارک کو ایصالِ ثواب کے قصد سے ملیدہ اور
کھیر پکائیں اور کھلائیں تو مضائقہ نہیں ۔ جائز ہے اور خدا کی نزر کا کھانا اغنیاء کیلیئے حلال نہیں ۔
لیکن اگر کسی بزرگ کے نام کی فاتحہ دی جائے تو اس میں اغنیاء کو کھانا بھی جائز ہے ۔
(زبدت النصائح) ( فتاوٰی رضویہ (جدید) جلد9 ۔ صفحہ575 ۔ مطبوعہ جامعہ نظامیہ لاہور )
اب آئیئے تیرہویں صدی کے مجدد شاہ عبدالعزیز محدث دہلوی علیہ الرحمہ کی بات سنتے ہیں ۔
یعنی اگر مالیدہ اور شیرینی کسی بزرگ کی فاتحہ کیلیئے ایصالِ ثواب کی نیت سے پکا کر کھلا دے
تو جائز ہے کوئی مضائقہ نہیں ۔
(بحوالہ۔ تفسیرِ عزیزی ۔ جلد اول ۔ صفحہ 39 )
ایک اور جگہ فرماتے ہیں ۔
یعنی جس کھانے پر حضراتِ امامین حسنین کریمین رضوان اللہ علیہم اجمعین کی نیاز کریں اس پر
قُل اور فاتحہ اور درود پڑہنا باعثِ برکت ہے اور اس کا کھانا بہت اچھا ہے ۔
(بحوالہ ۔ فتاوٰی عزیزی ۔ جلداول ۔ صفحہ 71 )
0 comments :
Post a Comment